Some Pipo no like as Anthony Joshua take prostrate for Presido Buhari.

Anthony Oluwafemi Olaseni Joshua, na British professional boxer. Anthony na, him be the current boxing world champion, as only am dey hold like 4 belts.

Our Presido, Presido Mhammadu Buhari, go London go do small meeting with some of him pipo dem, na im, him and di world champion come jam for di place, di meeting sweet presido well well, and even Anthony Joshua no fit hold him teeth, as him dey hapi say Presido take selfie with am.

But di one wey come dey vex some Nigerians be say Anthony as beta Yoruba Pikin, come prostrate give Presido, prostrate mean say, Anthony Joshua wey be world heavy weight champion lie down for ground greet our Presido, Presido Muhammadu Buhari. But why dis tin go dey vex pipo na?

Some pipo for twitter hapi as d tin hapun, but d tin wey some pipo tok still dey shock me, some pipo no dey even fear God at all, see wetin some pipo tok.

Chai, dis one sweet well well, see as dem give dia self, twitter street na real jungle ooo, no bodi dey send you.

“One even tok say Anthony Joshua for give di Presido uppercut wey go solve Nigeria Problem”
Chai, which kind talk be dat na?

Wetin una tink abat dis mata?